Dia 5 di yüli 2019 un sambuyadó di piská ta haña un Ford pikòp riba fondo di laman Karibense na Korsòu. Ora di saka e vehíkulo for di awa ta sali na kla ku ta trata di e outo di e persona Hulandes Mike Menema (53 aña) ku a disparsé dia 12 di sèptèmber 2018. Den e vehíkulo a haña restunan mortal. Despues di investigashon a resultá ku berdat ta trata di Mike. Despues di 5 aña ainda no ta evidente kiko a pasa.
Fundashon Peter. R. de Vries ta kombensí ku tin hende ku sa mas tokante morto di Mike i pesei ta ofresé 100.000 euro pa e tip ku lo jega na e persona kulpabel. Pa bini na remarke pa e rekompensa aki e tip di oro mester a drenta na e Fundashon promé ku 29 di febrüari 2024.
Denunsia di desaparishon na Kòrsou:
Denunsia di desaparishon di Mike Venema ku tabata biba na Kòrsou a wordu hasí na polis di Kòrsou riba 14 di sèptèmber 2018. Mike tabata kore un Ford pikòp tipo Raptor riba isla. For di 12 di sèptèmber 2018 no tin niun rastro di Mike ni di e Ford Raptor.
Ta haña restunan mortal:
Riba 5 di yüli 2019 un sambuyadó di kangreu a haña un Ford pikòp riba fondo di laman na e parti alehá ‘Shut’ na Kòrsou. Un par di dia despues un tim di salvamento ta logra saka e vehíkulo for di awa. Ta resultá ku e vehíkulo ta esun di Mike ku a disparsé. Den e Ford ta haña restunan mortal.
Na kuminsamento di 2020 – despues di investigashon – a wordu establesí ku e restunan mortal ta di Mike Venema berdat.
Investigashon dor di Kuerpo Polisial Kòrsou:
Te ainda polis ta investigando e desaparishon, e outo i e restunan mortal di Mike Venema. Riba petishon di autoridatnan na Kòrsou, Kòrsou i Hulanda ta investigando e kaso aki huntu.
Logá di keda:
Mike tabata biba den un apartamento na Anasaweg, pero prome ku e la disparsé e tabata kedando algun tempo den un kas na Jan Sofat (resort). Ta aki ta delaster biaha ku hende a miré riba 12 di sèptèmber 2018.
Tiki tempu promé ku Mike a disparsé e la konta su amigunan i mayornan ku e tabata tin hopi plan i ku e lo bini Hulanda dentro di poko. Ademas Mike tabata un persona alegre ku tabata gosa su bida na Kòrsou. “E tabata gusta kore paranda”.
E tabata sera konosí ku hende fásilmente, tabata bon di konfiansa i tin biaha tabata tin muchu konfiansa. Mike tabata mustra manera un hende ku plaka i hopi biaha tabata tin un oloshi Rolex falsu bistí.
Mike no tabata un suisida i un aksident tampoko ta parse un splikashon lógiko, pasó e kaminda ku nan a hañé den su outo ta hopi alehá. Un persona no ta djis kore bai un logá asina i aksidentalmente ta kore for di barankanan. Ademas a sali na kla ku entre otro e selular ‘nobo’ (Iphone 5) a disparsé.
Mirando e resultadonan di investigashon dor di polis e senario mas lógiko ta un krimen.
Kòrsou:
Michel (nòmber di kariño Mike) Venema a nase na Heemskerk, Hulanda riba 4 di desèmber 1964. Ku 53 aña e la bai biba Kòrsou na 2009. Einan e la bai traha den sektór di airko i tambe tabata hasi varios trabou di plomero.
Fuera di esei e la traha poko tempu den un restorant i tabata ofresé asistensia (tékniko) na algún DJ riba isla durante anochi di fiesta. Tambe Mike tabata hür apartamento huntu ku otro hende na Kòrsou, kaminda e tabata hasi e mantenshon.
Famia Venema:
E mayornan di Mike a biba añanan largu den inseguridat tokante e circunstansianan rònt morto di nan úniko yiu hòmber. Na prinsipio di 2023 e Fundashon a kuminsa ku preparashonan pa e kaso aki. Lastimamente tata di Mike a fayesé na prinsipio di 2023 i 4 dia prome di ofrese e rekompensa di €100.000 mama di Mike di 88 aña tambe a fayesé inesperadamente.
Tabata e deseo di mas grandi di tata i mama di Mike pa haña sa kiko a pasa ku nan yiu hòmber. Fundashon Peter R. de Vries lo sigui den nan memoria pa tòg haña e kontesta ku nan a warda tanto aña riba dje.
